Wednesday 10 August 2016

Dil Karta hai Ud Jane ko..!

Band kar yaadon ki kitaab fir, sir utha ke jine ko,
Mann ki dhuno ko aur dimaag ki taalo ka sangam baithane ko,
Dil karta hai ud jaane ko!!

Na rok sake koi, kuch aisa kar jaane ko,
Aapni manzilo ko dhundte hue wahin pohoch jaane ko,
Dil karta hai ud jaane ko!!

Na tu hai bhagwan na me hu,
Bas apni kamiyo ko apnane ko,
Dil karta hai ud jaane ko!!

Sawar jaye jo kisi ki zindagi,
Ek hi jhalak se meri
Aisi hasti ban jane ko
Dil karta hai ud jaane ko!!

Akele safar ka maza hi kya,
Jahan ho na apne hasi batne ko,
Wahin leke apne sabhi yaaro ko,
Dil karta hai ud jaane ko!!

Hai jo seeney me kaid darr
Kabhi to aaye ubhar
Saari bhawanayen vyakta kr jane ko
Chandni ki chadar odhe, khushiyo ki godd me so jaane ko,
Dil karta hai ud jaane ko!!

Har chehre ko muskaan se sajaane ko
Dosto ki khushiyo pe sab haar jaane ko,
Dil karta hai ud jaane ko!!

Chalte chalte sabhi bandhan tod jane ko,
Undekhi ek misaal ban jane ko
Koshish jiski pehle kabhi na ki ho,
Har wo kaam kar jane ko
Gir ke hi sahi, phir sambhal jaane ko,
Rag Rag me ik junoon jo daudta h
Usi me ghul jane ko
Dil karta hai ud jaane ko!!

Baarish ki bundo me nachne gaane ko,
Raaton ki ubasiyo ke beech panchi ban jaane ko,
Dil karta hai ud jaane ko!!

Chilchilaati dhoop me thandi hawa ban jane ko,
Taqdeer ki rekhaon ko azmaane ko,
Dil karta hai ud jaane ko!!


12 comments: